Skip Navigation LinksValleyFeverDiagnosisOutcomes_tgl

valley fever

Diyagnosis at Kalalabasan ng Valley Fever

Alam mo ba...?

Icon ng maraming tao

Karamihan sa mga tao

(mga 6 sa 10)

na may Valley fever...

  • Ay walang sintomas

  • Ay maaaring hindi nalaman na mayroon sila (o nagkaroon) ng Valley fever

mag-click upang makita ito MAG-CLICK
Ang ilang mga tao

Ang ilang mga tao

na may Valley fever...

  • Ay nagkakaroon ng sintomas 1-3 linggo matapos suminghot ng alikabok

  • Ay may mga sintomas na maaaring magtagal ng isang buwan o mahigit pa (pero karaniwang gagaling nang walang paggamot)

  • Maaaring kailangan ng paggamot, pero aalamin ng doktor kung ano ang pinakamahusay

mag-click upang makita ito MAG-CLICK
Sa mga bihirang kaso

Sa ilang bibihirang kaso, ilang tao

(mga 1 sa 100)

na may Valley fever...

  • Ay nagkakaroon ng kumalat na sakit kung saan ang Valley fever fungus ay kumakalat sa mga ibang bahagi ng katawan

  • Ay maaaring kailangan ng paggamot sa natitirang bahagi ng kanilang buhay

mag-click upang makita ito MAG-CLICK

    Tandaan: Ang Valley fever at ang COVID-19 ay may mga parehong sintomas, kasama ang lagnat, ubo, kapaguran, at pananakit ng katawan. Kung nakakaranas ka ng mga sintomas na ito, ihiwalay ang sarili mo mula sa mga ibang tao at kontakin agad ang doktor mo. Kailangan ang mga laboratory test para malaman kung ang mga sintomas ay dulot ng COVID-19 o Valley fever. Karaniwan, ang Valley fever ay nada-diagnose gamit ang pagsusuri ng dugo, pero ang lab test para sa COVID-19 ay gumagamit ng respiratoryong sample mula sa iyong ilong o lalamunan.


Hindi kailangan ng lahat na ma-test o magamot para sa Valley fever. Ang mga taong nagkasakit ng Valley fever ay maaaring may mga sintomas na tulad ng ubo, lagnat, hirap sa paghinga, at kapaguran na nawawala nang walang anumang paggamot. Kung may mga sintomas ka ng Valley feverna nagtatagal nang mahigit isang linggo, makipag-usap sa doktor o tagapaglaan ng pangangalaga ng kalusugan.

Walang mga over-the-counter na gamot para gamutin ang Valley fever. Dahil ang ilang sintomas ng Valley fever ay tulad ng sa COVID-19 (tingnan sa itaas) at ibang karaniwang sakit, maaaring iutos ng doktor ang ibang mga test (tulad ng pagsusuri sa dugo o chest X-ray) para makatulong na alamin kung mayroon kang Valley fever. Kung na-diagnose ka ng Valley fever, dedeterminahin ng doktor mo kung kailangan mo ng paggamot.

May mga gamot na panggamot sa Valley fever na tinatawag na "antifungals", pero hindi kailangan ito ng lahat ng tao. Maaaring kailangan ng ilang taong uminom ng mga antifungal na gamot ng ilang buwan o kahit na taon kung mayroon silang malalang sakit o ilang pangkalusugang kundisyon na nagpapahina sa immune system. Kasama sa mga taong maaaring kailanganin ng mga antifungal ang:

      • mga taong may malalang sakit

      • mga taong umiinom ng mga gamot na nagpapahina sa immune system

      • mga taong may kanser

      • mga taong may Impeksiyong human immunodeficiency virus (HIV)

      • mga taong nagkaroon ng organ transplant

      • mga babaeng buntis 

Sinusuri kung may lagnat

Isasaalang-alang ng doktor mo ang maraming salik kapag nagpapasya kung kailangan mo ng pag-test o paggamot. Maaari ring irekomenda ng doktor mo na magpatingin ka sa espesyalista. Mahalaga ang maagang pagtukoy, kaya kung may mga tanong ka o sa palagay mo ay mayroon kang Valley fever, makipag-usap sa doktor.

Mga Kalalabasan


  • Icon ng tao

    Karamihan ng mga taong may Valley fever ay lubusang gagaling at hindi na muling magkakasakit mula dito. Maraming sintomas ng Valley fever ang mawawala sa loob ng ilang linggo. Ang ilang mga sintomas, lalo na ang kapaguran ay maaaring mas matagalang mawala at minsan ay maaaring magtagal ng ilang buwan.

  • Icon ng baga

    Ang maliit na porsiyento ng mga tao ay nagkakaroon ng pangmatagalang impeksiyon sa baga o ibang mga bahagi ng katawan, tulad ng mga buto o mga kasu-kasuan. Sa mga bibihirang kaso ng kumalat na sakit, kung saan ang Valley fever fungus ay kumakalat sa labas ng mga baga sa mga ibang bahagi ng katawan (tulad ng utak), maaaring kailanganging gamutin ang tao ng gamot sa natitira nilang buhay. Ang malalang Valley fever ay maaaring makamatay, pero bihira ito.

  • Kalasag ng proteksyon

    Kung nagkaroon na ang tao ng Valley fever, malamang ay poprotektahan sila ng kanilang immune system para di na muling magkasakit mula dito. Bagaman bihira ito, ang ilang mga taong nagkaroon na ng Valley fever ay maaaring magkasakit muli kung humina ang kanilang immune system dahil sa ilang mga medikal na kundisyon (tulad ng kanser) o sa pag-inom ng ilang gamot, tulad ng mga para sa kanser, organ transplant, o autoimmune na sakit.

Page Last Updated :